Анасының айтуынша, орталыққа сөйлей алмайтын және өзін қорғай алмайтын қызы барған. Мекеме басшысы кездейсоқ оған сабақ видеосын жіберіп, әйел баланың ұрылғанын көрген.
Раушан Орынбай полицияға, білім басқармасына және балалар құқықтары жөніндегі уәкілге жағдайды тексеріп, шара қолдануды сұрап жүгінген.
Полицияның реакциясы
Қызылорда облысы полиция департаментінде кәмелетке толмаған баланы тәрбиелеу міндеттерін тиісінше орындамау фактісі бойынша қылмыстық іс қозғалғаны расталды. Тергеу әрекеттері жалғасуда, видеожазбалар зерттелуде. Облыстық білім басқармасына ұсыныс енгізілген.