Бұл қазақстандық кәсіпорындар үшін сату нарығының кепілдігін қамтамасыз етеді. Шикізат компаниялары құрамдас бөліктерді импорттаудың орнына ел ішінде зауыттарды іске қосуға және дамытуға көмектеседі, оларды жылдар бойы тапсырыстармен қамтамасыз етеді.
Ірі комбинаттар мен ведомстволардың айналасында жергілікті өндірістерден тұрақты өнеркәсіптік белдеулер қалыптасады.
Жалған өндірушілерден цифрлық қорғаныс
Сыбайлас жемқорлық тәуекелдерін азайту үшін «Қазақстандық тауар өндірушілер тізілімі» бірыңғай жүйесі іске қосылды. Платформа автоматты түрде адал емес қатысушыларды анықтайды және нақты қуаттарды тексереді.
Тізілімде қазірдің өзінде 6,6 мыңнан астам компания авторизациядан өткен. Олардың ішінде 4467 компания тауарларды толықтай Қазақстанда өндіреді, ал 2146 — қайта өңделген өнім шығарады.
«Бәйтерек» арқылы қолдау
Үкімет «Бәйтерек» холдингін 1 трлн теңгеге дейін докапитализациялады. Бұл кәсіпкерлікті қаржыландыру мүмкіндіктерін 8 трлн теңгеге дейін кеңейтті.
Қазіргі уақытта 4 трлн теңгеден астамы игерілді. 8 мыңнан астам бизнес субъектісі қолдау алды, олардың 96%-ы шағын және орта кәсіпкерлік кәсіпорындары. 2027 жылға қарай холдинг институттары арқылы қаржыландыру көлемін 10 трлн теңгеге дейін жеткізу жоспарлануда.